
滑雪季
2024 ~ 2025
預定11/01 - 03/30
秋末初冬
(11/01-12/20) 08:30 ~ 16:30
冬期初春
(12/21-03/30) 08:00 ~ 17:00
降雪情況
喺輕井澤滑雪場,晴天 嘅機會高於90%!天氣穩定,溫度舒適,但雪量稍為不足,屬於日本少數使用人造雪嘅滑雪場, 所以雪地比較硬,冰面多。
不過雪道幾乎都有整雪,相對穩定。 輕井澤亦係日本其中一個 最早開放 嘅滑雪場,滑雪場買入多部造雪機,希望維持穩定嘅雪量, 喺每年1至2月,係滑雪場 雪況最好嘅時間。

輕井澤滑雪場
輕井澤滑雪場係一個全方位嘅滑雪場,由東京坐新幹線,只需要1個鐘左右就到。
輕井澤係日本其中一個 最早開放 嘅滑雪場,入面有 16 條雪道同 9 座纜車,其中一半嘅雪道係綠線, 仲為初學者同埋中級滑雪人士,設計咗唔同難度嘅雪道。山上嘅雪道,大部分都係適合 親子嘅滑道, 如果想挑戰更高難度,可以選擇另外兩條紅線,或者三條黑線嘅雪道!
想玩雪同埋初學滑雪嘅朋友,輕井澤滑雪場絕對係你嘅首選!連接東京交通方便,天氣穩定,仲可以喺靚景前面打卡影相。 雖然雪況偏硬,跌倒嘅話相對較痛,不過玩完之後,可以去購物中心盡情購物補返數,絕對係賞心樂事。
交通
自助電動車
適合進階自由行旅客

輕井澤車站
接駁巴士站
酒店/滑雪場
轉乘
成田機場
京急線/JR線/北陸新幹線
轉乘

羽田機場
京急線/JR線/北陸新幹線
酒店/滑雪場
轉乘
轉乘
輕井澤車站
接駁巴士站
-
成田機場搭 JR 電車去到東京,再從上野轉 JR 新幹線,去到輕井澤 (大約需要1小時17分鐘) ( 需要轉較多班車 )
-
成田機場搭京急 Skyliner到東京,再從上野轉 JR 新幹線,去到輕井澤 (大約需要56分鐘)【推薦方法】
-
成田機場搭NEX特快車到東京,再從上野轉 JR 新幹線,去到輕井澤 (大約需要53至78分鐘) ( 大部分班次都要搭超過1個鐘 )
-
由成田機場搭巴士,到東京八重洲站 (大約需要 75-110分鐘) ,如果行李比較大件,可以考慮用呢個方式,減少需要搬運行李的機會,抵達輕井澤站之後, 由南口出站,可以搭滑雪場接駁車,或者直接行去滑雪場 ( ski center )
如有更新,以輕井澤滑雪場網站作準

30

總面積 (公頃)
16

滑雪道 (條)
1519

最長滑行距離 (m)
31

最大斜度 (°)
215

標高差 (m)

輕井澤度假村
王子大酒店
西武集團旗下嘅王子系列飯店,喺輕井澤度假區內提供咗5個住宿地點,包括從輕井澤站南出口出發,徒步前往或者乘坐酒店提供嘅免費接駁車, 就可以到達嘅輕井澤王子大酒店東館 ( Karuizawa Prince Hotel East ),同埋提供豪華別墅嘅輕井澤王子別墅 The Prince Villa Karuizawa。
另外,喺附近嘅住宿地點,仲有輕井澤王子大酒店西館 ( Karuizawa Prince Hotel West )、輕井澤皇家王子大酒店 ( The Prince Karuizawa ) 、 同埋離輕井澤站較遠,而且只係因應季節先會提供接駁車服務嘅輕井澤淺間王子大酒店(Karuizawa Asama Prince Hotel)。
輕井澤王子大酒店滑雪場

輕井澤王子
購物廣場
「輕井澤王子購物廣場」係喺「輕井澤王子大飯店 EAST」、「輕井澤王子大飯店 WEST」隔離嘅超大型購物中心。 喺呢個充滿開放感嘅商場入面, 有全部都係高級名牌店嘅「NEW EAST (ニューイースト)」,或者係專賣輕井澤特產、產品齊全嘅「SOUVENIR C-OURT (スーベニアコート)」, 同埋可以用比出面更抵嘅價錢買嘢嘅 OUTLET SHOP 等等,200間以上嘅名店肯定會令你行到腳軟,買到手軟。
輕井澤
千瀧溫泉
「輕井澤千瀧溫泉」係王子大酒店營運嘅即日來回型溫泉設施。 設施入面除咗有庭園露天浴池,同埋掛流式嘅有屋頂露天浴池之外, 仲有桑拿同埋凍水浴。 成個壁面鋪設有玻璃嘅室內大浴場,可以一眼望晒眼前嘅開揚雪景。
費用方面,大人係 1,200-1,550日圓,小童就係 700-1,440 日圓(3歲至12歲),可以浸晒所有溫泉。 呢座溫泉嘅位置,同「輕井澤王子大酒店滑雪場」好近,揸車大約只需 15 分鐘時間左右,就可以嚟到。 滑雪旅行期間,順便嚟呢度浸下溫泉,舒緩身心,都算係唔錯的計劃呢。
滑雪場美食資訊
想知道 2023 年最新輕井澤嘅推薦美食有邊啲?推薦畀你睇嘅輕井澤滑雪場附近嘅最強美食資訊, 快啲睇睇 2023 年輕井澤必食美食推介有邊啲啦!

TRATTORIA PRIMO
呢間餐廳位於滑雪中心入面,西餐做得非常出色! Trattoria Primo係輕井澤當地嘅超人氣餐廳,你會見到餐廳入面大排長龍嘅景象, 呢度嘅義大利粉亦都十分受大家歡迎。

Restaurant Azalea
同樣位於滑雪中心附近嘅呢間人氣餐廳,提供和洋中式料理,例如咖喱飯、蛋包飯、義大利粉、擔擔麵等等。 巨無霸拼盤份量超多,有炸雞同炸蝦,適合一家大細一齊分享。

Karamatsu 日本料理
設於輕井澤王子大酒店西館嘅南玄關前面。除咗可以品嚐到日本海鮮燒烤,同埋用釜炊煮嘅長野縣米飯之外, 仲有充滿臨場感嘅現場表演,令人回味無窮。

明治亭豬扒
豬扒丼係呢度嘅招牌菜,有中文菜單,整體份量都幾多,細食嘅朋友可以同店員要求少飯。椰菜嘅分量好多, 上面嘅炸豬扒淋上秘製醬汁,香脆嫩滑,每一啖都充滿肉汁,令人齒頰留香。呢間餐廳就喺輕井澤購物中心嘅味之街,鍾意食豬扒嘅朋友一定要嚟試下。

そば『丁子庵』
信州蕎麥麵係嚟輕井澤一定要試嘅當地美食之一。玩到肚餓唔使擔心,滑雪場裡面就有5間餐廳。 而呢間喺滑雪中心旁邊嘅日式餐廳,就提供長野縣有名嘅蕎麥麵同野澤菜飯。

Primrose
ALL DAY DINING LOUNGE/BAR
輕井澤王子西館全天候自助式餐廳,有多種日式、西式、中華料理等畀客人選擇,如果你係西館嘅住客,極之推介大家一試,要事前預約。